ابسخيرون القلينى زعلان من الناس

يقول ابونا اسرائيل كاهن كنيسة العذراء بكوديا النصارى باسيوط انه
اثناء صلاة القداس الالهى حصل لى مغص كلوى شديد جدا حتى انى اسرعت فى
صلوات القداس حتى اذهب الى اقرب طبيب بالبلدة ولكن لم اجد احد من الاطباء
فاسرعت بالتوجه الى مستشفى ديروط الاميرى وتقابلت مع مجموعة من الاخوة
الاطباء ووجدونى فى اشد التعب من المغص الكلوى فاسرعوا باعطائى 3 ابر
سرنجات نوفالجين وايبكوتيل وفوئالجين وقاموا بعمل تحاليل واشعة فورية وكان
التشخيص بوجود نسبة املاح عالية +نسبة اوكسيلات وقال لى الدكتور رفعت وليم
لا تخف ياابونا دول شوية رملة بسيطة وسوف ينزلوا انشاء الله بعد اخذ
العلاج الكثير المكتوب بالروشته وذهبت الى المنزل وبعد زوال مفعول
السرنجات رجع لى ايضا المغص الكلوى ولم اتبول لفترة كبيرة اوى مما رفع
نسبة البولينا وشعرت بضيق شديد وصرخت الى العذراء مريم ومارمينا والبابا
كيرلس شفاعائى وانا فى اخر ضيق اطلب من ربنا والقديسين ان يسرعوا بنزول
البول المخزن وقضيت ليلة كاملة كلها الم

وفجأة ظهر لى احد القديسين راكب على فرس ابيض وعلى رأسه تاج عظيم وبيده
حربة طويلة فى اعلاها صليب كبير من نور ووجه به تسلخات كما رأيته بالصورة
التى توجد بستارة كنيسته بالبيهو

وقال لى :" انت بتطلب كل القديسين والعذراء مريم ولم تطلبنى انا " فقلت له
انا لم اعرفك فقال لى القديس انا ابا سخيرون اللى نقلت كنيستى من قلين
للبيهو وانا يا ابونا زعلان من ناس كتير علشان الناس بتطلب العدرا
ومارمينا والبابا كيرلس وابانوب وانا قاعد فى السما من غير شغل

فقال له ابونا انت غاير لما الناس بتطلب العذراء ومارمينا والبابا كيرلس
وابونا عبد المسيح فقال له انا مش غاير ولكن انا عاوز امجد اسم ربنا على
ايدى فقلت له اعمل معايا معجزة وانا احدث الناس عنك فقال له القديس ابا
سخيرون انت ياابونا فيك ثلاث حصوات وفجأة اختفى القديس

وفخأة ذهبت الى دورة المياه لكى الرب يتحنن وينزل البول المخزن وفعلا حدثت المعجزة

البول تدفق بغزارة شديدة وشعرت براحة وسعادة وشكرت ربنا والقديس ابا
سخيرون القلينى وقلت للاسرة ولكل الناس الذين رأونى وقلت لهم ان ابا
سخيرون اخرج لى الحصوات وفعلا ذهبت الى المستشفى لاجراء الفحوص والتحاليل
والاشعة مما اذهل الدكتور رفعت وليم وقال لى بسرعة كدة ياابونا نزلوا
الحصوات والاملاح .. ماذا حدث ؟ فشرحت له المعجزة وانا والحمدلله اشكر
ربنا على معجزاته بواسطة قديسه العظيم ابا سخيرون القلينى الذى اطلب صلاته
دائما

بركة وصلاة وشفاعة الشهيد اباسخيرون ناقل كنيسته من قلين الى البيهو تكون معانا امين

جميله جدا جدا جدا يا الابن الضال لاننا بجد مش بنحاول نتشفع بقديسين جديده دايما بنتشفع بباللى احنا بنقرى عنهم معجزات بس زى العدرا والبابا كيرلس وابونا عبد المسيح ومالاجرجس ومالامينا وبننسى ان فيه قديسين تانى فى السما غيرهم نفسهم يتمجد اسم ربنا على ايديهم انا دلوقتى وزى كل الناس اللى هتقرا القصه دى بعدى هأتشفع بالقديس اباسخيرون القلينى بعد كده مع البابا كيرلس والعدرا ومارمينا والانبا ونس .... ربنا يبارك خدمتك