عندك حق يا بنزو فعلا حكاية الانترنت دى بقيت شاغلة ناس كتير
مش بس المنتديات دا التليفزيون والبرامج والاذاعه وحتى فى كلام الناس العادى بينهم وبين بعض
هو الانترنت مش وحش زى ما ناس كتير بتقول علية
اولا نعرف المشاكل اللى الناس بتواجهها من ناحية الانترنت وهى:
1- ادمان الانترنت
2- المواقع الاباحية
3- النصب من خلال الانترنت
واعتقد ان مفيش مشكلة مالهاش حل وكل اختراع جديد بيظهر فى حياه الانسان بيبقى فى ناس بتستخدمة صح للغرض اللى هو اتعمل علشانة وفى ناس تانية بتسئ استخدامة. زى الديناميت كدة كان فى الاول بيستخدموة فى المناجم وكدة ودا كان السبب الاساسى فى اختراعه لكن بعد كدة ظهر ناس تانية استخدمتة فى الحروب.
وكذلك بردو الانترنت اتعمل علشان يبقى اكبر دائرة معارف فى الدنيا ومن خلالها نقدر نحصل على اى معلومة احنا عاوزينها عن اى شئ.
لكن ظهرت الناس اللى بتسئ استخدام الانترنت بردو
والحلول لمشاكل الانترنت دى كتيييييييير واعتقد ان اغلبها سهل وبسيط
بس مينفعش انها تتسرد هنا علشان المساحة
لكن من السهل جدا التعرف عليا من خلال الندوات اللى بتتعمل فى الكنايس ومن خلال القنوات الفضائية القبطية ومن خلال الانترنت نفسة كمان.
معلش يا جماعه انا طولت اوى معلش بس هو فعلا الموضوع ده حيوى جدا واعتقد ان كلنا لازم نشارك بأرائنا فية.