لماذا؟؟؟؟؟؟؟؟؟؟؟؟

1-لماذا خلق اللة الشيطان ؟؟

2-هل كان يعلم اللة بان الانسان سيسقط ام لا؟

3-لماذا لم يبيد اللة الشيطان قبل مرواغتة مع ادم و حواء؟

بجد اسئله حلوه يا free angle و لكن مش كتير مننا بيفكر يسالها

و انت خلتنى بجد افكر ليه ربنا خلق الشيطان يمكن علشان يخلى الانسان

يختار مابين الصح و الغلط او بين انه يختاره هو و لا يختار الخطيه ........

الانسان ع رأي ناس اصحابنا مخير لا ميسر

و معني انك مخير يعني قدامك كذا حل و انت بتختار منهم

ربنا خلق الانسان عشان يختار مابين الله و الشيطان

و خلق الشيطان عشان يحاول ان يسقط الانسان

و في اولي تجارب الشيطان مع ادم و حوا كسب الشيطان المعركه الاولي بنجاح

و في نفس الوقت كل البشريه اتعلمت من الدرس ده

ولولا الدرس ده محدش كان عرف الخير من الشر

يعني فعلا الله امين و عادل

طيب كلام جميل بس لية بردو ربنا لم يبيد الشيطان وعاش الانسان حياة حلوة مع ربنا مفيهاش خطايا

اولا انا احب اعترض على نقطة نونو وهى ان ربنا مخلقش الشيطان
ربنا خلق ملايكة وبعض الملايكة دى سقطت بسبب وقوعها فى خطية الكبرياء
ولان الملايكة ارواح يعنى المفروض بلا خطية ولذلك كانت خطيتهم بدون غفران لانهم بطبيعتهم غير مخطئين

وبالنسبة للسؤال التانى اه طبعا ربنا كان يعرف ان الانسان هيسقط لان ربنا هو "فاحص القلوب والكلى" ولكن ربنا مكنش ممكن يمنع الانسان من السقوط مش لانة ميقدرش "حاشا لله" ولكن لانة ان كان منع الانسان من السقوط كان هيبقى بيقيد حريتة

والسؤال الثالث بقا ان ربنا لم يبيد الشيطان لاننا مسمعناش ان ربنا اباد حاجة خلقها قبل كدة علشان ربنا لايخلق شئ بلا فائدة وثانيا للسماح لادم وحوا بالمرور بالتجربة ليدركا مدى الحرية التى اعطاها لهم السيد الرب حيث ان الله لم يمنعهما من ارتكاب الخطية ولكنة اعطاهم وصيتة بألا تفعلوا هذة وبذلك فقد نبههم الله من مدى خطورة الخطية ولكن الانسان بطبيعتة كخاطئ احب الخطية واذل روحه بالسقوط فى الخطية

معلش انا طولت عليكم لكن شكرا بجد يا فرى انجل اسئلتك جميلة بجد