استفتــاء هــام جدااا لكــل اعضاء الاســـره

بعد التحيه

الموضوع اعلان عام لمده اسبوع بعد اذن الادرايين اللي معايا طبعا

عايزين نعمل استفتاء او نشوف اراء الاعضاء

في اننا نعمل منتدي السياسه و المشاكل الاجتماعيه

احنا كمسيحيين و اعضاء في المجتمع لازم نشارك بالاراء

و نكون فعالين اكتر من كده و يكون لينا تأثير كمان

اللي موافق ع انشاء المنتدي يقول موافق و السبب

واللي معترض هرحب باعتراضه بالغاء اشتراكه و مش هخليه يلحق يقول السبب

طبعا لكم مطلق الحريه بس اهم حاجه السبب لأنه فعلا موضوع حيوي و يخص كل بني ادم فينا

موااااااااااااااااااافقه بالاجماع

هو انا ماليش فى السياسه بس امرنا لله خوفا على عضويتنا هنقبل وخلاص

لا بجد كويس اوى اننا نتكلم عن المشاكل مش شرط السياسه لكن كل حاجه فى البلد دى لازم يكون لينا فيها راى
وانا معاك بجد فى الموضوع بس ابدأ انت

ميرسي بجد يا بطوطه ع اهتمامك و ردك

و اتمني ان الناس كلها تشارك معانا لأن فعلا الموضوع مهم

وانا معاكوا ومفيش داعى للخوف (ان كان الله معنا فمن علينا)
ويريد كلنا نؤيد هذا الاقتراح
وانا عندى مواضيع كتيرة عاوز اناقشها معكم

انا موافق على هذا
وانا معاك يا متمرد

انا كمان معاكم Very Happy

وبجد الفكرة جديدة و شيقة جدا و ربنا معنا لكن انا معرفش فى السياسة Sad

....... ربنا يستر

وانا برضو معااااااااااااااااااكم .....مع انى ماليش برضو فى السياسة بالرغم انى للاسف مفروض انى اعلامية

بس عموما يا متمرد اى حاجة هتحصل هقول اننا تبعك .... وربنا يرحمنا من كمية الضرب الى هناخدها

ويلا ياجماعة ماحدش بيموت مرتين

ميرسي ليكم كلكم ع ردودكم و تشجيعاتكم دي

و الحمد لله تم انشاء منتدي المجتمع المصري

و يضم المشاكل الاسريه و الاجتماعيه و السياسيه

ياريت كلنا نبدأ بالمشاركه لأن فعلا الموضوع دسم و فيه دايما جديد و دايما مشاكل بنواجهها دايما كل يوم سواء في الاسره بوجه خاص او في مجتمعنا و ما يشمله من سياسه بوجه عام

في انتظار موضوعاتكم و مشاركاتكم الفعاله

** استفتــاء هــام جدااا لكــل اعضاء الاســـره **

استفتــاء هــام جدااا لكــل اعضاء الاســـره