الاهتمام الزياده بالآخرين

انا مشكلتى انى لما بعرف حد ممكن اتعلق بيه طبعا مش اى حد بس ممكن اديه كل اهتمامى ومن غير مابقصد بس بيبقى غصب عنى بس المشكله انى مش بلاقى المقابل للاهتمام ده
حتى مع اقرب اصحابى .
والمشكله هى ان اقرب اصحابى هى واحده انا بعتبر انى عايشه علشانها فى الدنيا دى وبديها كل اهتمامى بالرغم من انى مش بلاقى المقابل للاهتمام ده وحصلت ظروف خلتها تبعد عنى شويه وانا مقدره الظروف دى كويس ، بس توصل لدرجه انها تنسانى خالص ولا تفكر تهتم بيا ولا باحوالى بعد معرفه اكتر من 8 سنين ؟ ده حتى العتاب مش عارفه اعاتبها ولا اتكلم معاها

انا مش عارفه اعمل ايه الموضع ده تاعبنى اوى وحياتى بتضيع بجد ومحدش حاسس بحاجه ومحدش بقى بيهتم بحد دلوقتى
ياريت محدش يقولى سيبيها او عامليها زى ماهى بتعاملك لانى مش هقدر ابدا اعمل ده لان مهما حصل ولو وصلت لدرجه اننا نبعد خالص عن بعض انا هفضل احبها وهفضل عايشه علشانها .
ياريت بجد تشاركونى بس باراء وحلول اقدر استخدمها اراء واقعيه.
سووورى طولت عليكو فى الكلام ميرسى ليكو كتير

زائر

هااااااااااااااي بجد موضوع بنعاني منة كتير في حياتنا بس بجد انتي شجاعة انك تفتحي الموضوع دة للنقاش

اكتر حاجة انا انصحك بها وتعمليها هو انك تصلي لربنا وتعرضي علية الموضع

بجد مشكلة بنتعرض ليها كل يوم وانا عن نفسي تعرض للموضع دة شخصيا بس انا تخاصمت مع صبي الانتيم

وبس شئ تافه وقعدنا حوالي شهر مش بمكلم بعض وكن حاسس نفس احساسك في الاول كنت رافض فكرة اني اروح واتسامح معاة لانة هو الي لغط وبعد كدة علشان الموضوع يهمني صليت لربنا وقلتلة قولي اعمل اية هو مش انت بتستحيب للي بيتكلم معاك ويصليلك وبعد كدة وفي اليوم التاني بعد الصلاة لقيت في فكرة او احساس ملح اني اروح واكلم صحبي دة لكن في الاول الذات وكرمتي قالتلي لا هو انت هتبقي ملطشة لكن الناس بس في وقتها قلت لنفسي وفيها اية اني اروح لصاحب عمري هو دة مش اخويا ودوست علي نفسي ورحت قوتلة انا اسف علي الرغم ماكنتش غلطان وهو الي غلط في عارفة عمل اية معايا قالي انا الي اسف وعنية كانت بدمع لية لاني عرف بجد اني انا غالي علية وان صدقتنا دية مش مجرد كلام بيتقال بالفم لكن عمل فا انا انصحك الاول انك تصلي ل ربنا ووقوليلة اعمل اية انا نفسي اصالح صاحبتي بس مش عارف اعمل اية وبعد كدة روحي وتقدمي وصلاحية دون ان تتكلموا في المواضيع القديمة وقوليلها انا اسفة حتي لو ماكنتيش غلاطانة اشتري صحبتك وشوفي اية الي هيحصل واوعي الشيطان يقلك اني كدة هتبهدلي رامتك انتي لو عملتي زي ما قتلت انتي هتكبري في نظر نفسك اوي وربنا هيبقي مبسوط اوي تعرفي لية لانك فعلا بتنفزي وصيتة وابقي قوليل يعل يالاخبار ربنا معاكي باي باي

اصعب حاجه فى الدنيا لما تدى اهتمام لحد ومتلاقيش الاهتمام المقابل ليه من نفس الشخص
بجد ربنا يعينك

ميرسى على مشاركتوا بس يا ابن الدموع انت فهمتنى غلط انا ميفرقش معايا حكايه الاسف دى انا ممكن اتاسف مليون مره حتى لو مش انا الغلطانه وهى دى المشكله ان دايما انا اللى بسبق وانا اللى بجرى وانا اللى بخاف على علاقتنا لكن هى مفيش منها اى اهتمام بالموضوع بعد ماكنا بنتكلم كل يوم ماتسالش عليا بالاسبوعين انا هتجنن بجد خلاص تعبت بس هو فى الغالب مفيش غير حل واحد انى اصلى وانى احاول انسى والموضوع وده مش هيحصل بس اللى هيحصل اننا فى الغالب كل واحد هيبقى فى طريق وتقريبا هو ده اللى ربنا عايزه للاسف وهى دى ارادته
بس ارادته ماتجيش غير بعد الفتره دى كلها طب ليه ؟

انا بجد مقدرة موقفك جدا جدا ..... وكفاية اوى وا ى انك فعلا بتحبيها وصادقة فى حبك لصحبتك دة ....بس اهم حاجة انك فعلا تتأكدى من حبك ليها بجد مش مجرد تعود لان لازم يكون كلامنا دة بننفزة مش مجردة كلام وخلاص ..... انا عارفة طبعا انكم اصحاب من 8 سنوات بس اكيد فى حاجة مش صح ......بس انتى فعلا احسن حل انك تصلى اولا لربنا وتلحى علية جامد انه يحللك الموضوع دة ....... وبعد ماتتأسفلها لو ماقبليتش دة يبقى انتى فعلا قدام ربنا وقدام نفسك عملتى الى عليكى .... ولو هتحسى ان بعدها صعب عليكى معلش حاولى انك تسئتحملى .... كل شى فى اولة صعب .... وربنا يرشيدك للطريق الصح ويديكى اصحاب يعوضوكحى عنها.

بصي عايز اوصلك معلومه

رد الفعل ده بيختلف من كل بني ادم عن التاني

يعني هتلاقي ناس بتعاملك زي م انتي بتعامليهم و بقيتوا اصحاب و قربتوا من بعض في فتره قليله قووي

و ممكن صاحبتك دي يكون طبعها كده من الاول بس انتي مخدتيش بالك او الحساسيه من ناحيه الموضوع ده زادت عندك انتي

ويمكن تكون زعلانه منك مثلا في حاجه و مش قادره تتكلم معاكي

قربي منها كمان و اسألي عليها اكتر و اكتر و هي اكيد هتحس انها كانت مقصره معاكي

و بردو لازم تصليلها محدش عارف ظروفها ايه

على فكرة انتى من الاصدقاء النادرين اوى فى الزمن لان اغلب الناس دلوقتى بدور على مصلحتها وبس و دة وشعورك جميل بس انتى ممكن تحاولى تتصلى بيها وتسالى عليها كتير زى ماكنتو زمان وممكن هيا تحس انها مقصرة معاكى وتحاولى تعرفى اذا كان فى حاجة زعلانة منك فيها او مضايقة من تصرفات معينة انتى بتعمليها ونفس الوقت تصلى لربنا لان هو الصديق والمعين الوحيد الى موجود معانا على طول والى احنا دايما بننساه وبنرجعلة لما يكون فى مشكلة على فكرة ياجماعة انا من النوع دة بس وبعد كدة تحسبيها بالعقل انتى تفضلى زعلانة قوى انها مش بتسال عليكى وهيا ولا على بالة وبعدين ياترى انتى شايفة ايه الحل؟؟؟؟؟؟؟؟؟؟؟؟؟

اول حاجة انتى لازم تصلى ليها واوعى تنسيها صدقينى بجد عندى صاحبتى كانت بتحبنى خااااااااااااااااااااالص اكتر من اخواتها ومن كل قرايبها وانا ماكنتش ينفع اكون انتيمتها لان معى صاحبتى من11سنة وهى اعرفها من كام شهر وهى كانت علطول تصلى علشان احبها زى مابتحبنى ودلوقت صدقينى بقيت احبها اكتر من صاحبتى الاولى وياريت كمان تشوفى هى بتحب اية واعملهولها واخرجوا مع بعض واطلعوا رحلات واتصلى بيها دايما حتى لو هى ماسالتش عليكى بس اوعى تنسيها عشان ماتغلطيش فى حقك وحقها وكمان ياستى كلنا هنا فى المنتدى هنصلى معاكى واللى موافق يكتب فى نهاية رايه اية بس لما تبقوا اصحاب لازم تفرحينا معاكى

[i]الاية مياه كثيرة لا تستطيع ان تطفىء المحبة والسيول لا تغمرها[/i]