الجب والاعجاب

موضوع: الجب والاعجاب السبت 06 أكتوبر 2007, 8:54 am

هل الحب في مرحلة الجامعة حب فعلا او اعجاب او انجزاب فقط

موضوع الحب موضوع كبير وعلية نقاش كتير وواسع لكن عاوزين مع بعضنا نطرح الموضوع دة وكل واحد يقول راية وفي اخر الموضوع هنقول راي الكتاب المقدس من الجهة العملية عن الحب . اولا انا هتكلم من وجهة نظري انا بعتبر كلمة الحب هي اعجاب بين شخصين متوافقين في كل شئ ثم تفاهم عقلي بينهم ثم احترام لهذة العلاقة وعدم استخدامها بشكل سئ او الخروج عن التقليد بمعني الخروج من وراء الاهل او التليفونات المحمول ثم خطوة سريعة بعد كل هذا وهي خطوة الخطوبة .ان لم تأتي هذة الخطوة او اذا لم يكن قادر الطرفين علي هذة الخطوة فأعرف ان تفكيرك في مرحلة انت غير مستعيد لها هو نتيجتها هي الفشل .فالخب الصحيح وليس الاعجاب يبدأ من سن 23 سنة يكون فيها العقل ابتدأ ان ينضج وفي هذة المرجل يكون الشاب المرحلة الجامعية وبدأ ان يستقر في شغلة او وظيفة معينة ومن هنا اركز علي كلمة اسقرار ففي مرحلة الحامعة سواء الشباب او البنات تنجذب الي كل ولد تراة لاول مرة ويكون هذا الولد او البنت شكلها منتظم لكن في المرحلة السنية ما بعد 23 يكون الولد او البنت ابتدأت في مرحلة الاستقرار المزاجي في كل شئ في الشغل في الحب في الحياة الدراسية فيكون النسان مهي ان يختار شريكة حياتة وفي الاخر احب اقول اي حب في فترة الكلية او قبل ما ما تبقي مؤهل ان تفتح بيت او تعول اسرة فاما الا انسان فارغ محتاج ان يمل حياتة بأي حب وخلاص والدليل اسأل هذا الشخص انت لية بتكلم فلان او فلانة هتكون الاجابة لاما اصحاب او مش عارف فا احزر او احزري من فكرة الحب الوهمي في فترة الكلية . ةياريت نتناقش في هذا الموضوع كلنا ونسمع اراي الناس ةبلاش نتكلم بتدين لان الراي الكتابي هنقولة في الاخر عاوزين نسمع ارءكم انتم كشباب او شبات شخصيا

في مقوله مشهوره بتتقال

صوابع ايدك مش زي بعضها

او بمعني اصح ممكن فعلا يكون في حب حقيقي في الجامعه او في اي وقت قبله

لكن مع الاسف بقي عمله نادره جداا وسط متطلبات العالم و عصر المصالح الشخصيه و الرغبات الفرديه

اهم حاجه عشان يبقي في حب بجد لازم تبقي عارف اللي عليك قبل اللي ليك

و لازم العطاء دون البحث عن النتيجه او ماذا ستجني

و اتمني ان الحب فعلا يسود ع الناس كلها

اكيد الدنيا هيتتغير وقتها للأحسن

كلام حلو اوى والموضوع كمان جميل ميرسى ليك يا ابن الدموع
بس مفيش حاجه اسمها ان الحب مينفعش قبل 23 سنه دى مش قاعده يعنى وبعدين الحب ده الانسان مش مسؤول عنه يعنى بتبقى حاجه غصب عن الواحد مش بارادته بس لازم تكون الحاجه دى فى الاتجاه السليم
وفعلا لو الحب ده ساد بين الناس الدنيا هتتغير للاحسن بكتييييييييير فى ناس مستنيه الحب علشان يغيرلهم حياتهم
صلوا من اجلى

لامعلش يا بطوطة انا مش بقتنع بأي حب في سن قبل 23 وعلي فكرة الكلام دة موجود في كتب لان قبل كدة الولد او البنت بتكون بتنتقل من فترة المراهقة الي فترة الاسقرار والفترة دية الي بين المراهقة والاستقرار الانسان مش بيعرف يختار طريقة صح وبدليل كتير من قصص الحب في الفترة دية بتنتهي بالفشل ولاسباب تافهة جدا لية لان هو كان فاكر نفسة بيحب بس بعد مرور الوقت بيكتش ان حالتة ديو مش حب دي مجرد اعجاب لكن بعد 23 بيبقي الانسان في مرحلة الاستقرار فبيكون اخيارة لشريكة حياتة معتمد او مرتكز علي اشيا ءاخري منها الحب وياريت تنقشيني في هذا الكلام

انا بقا هقول رأيى الشخصى فى الموضوع دا وهو ان من وجهه نظرى مفيش حاجة اسمها حب ممكن يكون فى محبة ودى بتبقى لكل الناس مش تجاه شخص بعينة لكن ممكن فى حاجة اسمها اعجاب اه كدة ممكن يكون موجود بالفعل لكن المصطلح اللى بيسموه حب او الشعور دا مكمن يبقى مجرد شئ عابر او شهوة عابرة لكن الاعجاب ممكن يكون نتيجة توافق فى الشخصية بين الولد والبنت

وانا مش مقتنعه انه مفيش حب قبل ال 23 او مفيش حد بيستنى لسن 23 علشان يحب الا اذا كان غصب عن الواحد Embarassed

بس فى الغالب كل واحد فينا بيعيش طول حياته يدور على الحب ده study

اما بقى ابن بابا يسوع فا انا مش مقتنعه بكرمه نهائياااااا يعنى ايه مفيش اصلا حب وان كله بيبقى اعجاب هو ممكن نقول بيبدأ بالاعجاب لكن بيكتمل بالحب
وبعدين سورى بقى اعذرونى اومال اللى بنشوفه فى الجامعه طول فتره دراستنا ده بيبقى ايه :oo

ولا كله بيضحك على بعضه

ياريت تردو عليا

انا رأيى ان على الاقل 99% من اللى بنشوفة فى الجامعه دا بيبقى حاجة من اتنين يا اما تسالى وتضييع وقت يا اما بيبقى فعلا اعجاب لكن الزمن بيغيرة او الزمن بيغلبة ومش بينتهى نهاية سعيدة . انا اعتقد ان مفيش اى قصة من دول نجحت او هتنجح والعلاقات فى الفترة دى بين الولد والبنت ممكن تؤدى بعد كدة لانهار حد منهم او هما الاتنين

انا مش عارفه ليه نظره الاحباط دى وليه النظره التشاؤميه مع انه بيحصل كتير فى الجامعه وبجد بيغير حياه الناس للاحسن اوقات كتير وانا شايفه انه مهم جدااااا بس مش عارفه ليه انت مصمم انه بيفشل فى الاخر يا ابن بابا يسوع Question

عموما دى وجهه نظرك ودى وجهه نظرى والاختلاف فى الراى لايفسد للود قضيه Basketball

اكيد طبعا يا batota وفى الاول وفى الاخر كلنا اخوات

اكييييييييييد كلنا اخواااااااااااااات

معلش هتدخل في الحوار

في علاقات كتيره يطلق عليها كلمه حب

لكنها مع الاسف بنج مؤقت

و ان 99 في الميه من العلاقات في الجامعه بتفشل لأنها بتبقي مش صادقه

و الدليل ان في واحد في الميه بينجح

و انا عن نفسي شوفت بعيني تجارب ناجحه و اكيد شوفت تجارب كتيره فاشله قصادها

بس في نفس الوقت في قصص حب ابتدت من ايام الدراسه و كللت بالنجاح

انا عايز اوصلكم ان ده نصيب و مكتوب من قبل م نتولد

ممكن فعلا تقابل حب حقيقي بس مينتهيش زي م احنا عايزين لظروف خارجه عن الاراده

كلامك صح 100% يا متمرد بس المشكلة ان في ناس بتستغل كلمة الحب دبة بطريقة وحشة فا علشان كدة انا بقول كلمة الحب ماتخلناش نتصرف بطريقة وحشة او خارجة عن تقالدنا بمعني علشان انا بحب فلان او فلانة بتحب فلان معني كدة كل يوم وقفات وموبيلات وعزومات كدة انا بعرض سمعني في الجمعة ان الناس تقول علي اني بنت مش كويسة لكن لو فعلا هو بيحبك يبقي هو هيخاف عليكي من اي كلمة تقال عليكي فهو بيطلب منك ان مقابلتكم تكون بين الناس من تاخدوا ركن في الجامعة وتقدوا تحكوا لو حد فعلا عمل كدة يبقي الشخص دة اناني مش يبفكر غير في نفسة لان هو مافكرش اي حد يشفكم هيقول عليكم اية اكيد هيقول انك بنت وحشة فالحب هو كل عطاء دون اخذ او دون

لاء هو ف حب بس لاسف الناس بتسئ استخدام كلمه الحب دى وبيستخدموها ع الفاضى والمليان لمجرد جذب انتباه الشخص اللى قدامه وده غلط لانه المفروض صادقه وليست مجرد كلمه

انا بقى عاوزه اقول حاجه تانى مختلفه عن الى انتوا قلتوه و كلامكم هو الى

ساعدنى انى استنتج الراى ده اولا بالنسبه لرايك يا ابن الدموع الحب مالوش سن

محدد يعنى 23 او غيره لكن فى حاجه اسمها ان كل حاجه المفروض تيجى فى

وقتها علشان تكون صح ........ ثانيا بالنسبه لرايك ياابن بابا يسوع فعلا ان ممكن

اغلب العلاقات ممكن تبتدى بالاعجاب و الزمن بيغيره اما يكمل او ينتهى ...........

و انا معاكى يا batota ان كل انسان بيعيش طول حياته يدور عن الحب فيمكن علشان

كده الشخص بيحس ان اى انسان مشدودله شويه عن الباقيين ان هو ده الحب الى

هو بيدور عليه و احيانا كتير بيكون وهم .........

بوصوا بقى من الاخر لو اتكلمنا من هنا للصبح علشان نوصل لراى ثابت مش هنوصل

لان مافيش قاعده عامه و ان لكل انسان شخصيه مختلفه عن التانى و راى مختلف و

وجهه نظر مختلفه لكن بالنسبه لراى الشخصى ان كل واحد المفروض يفكر كويس

و مايتسرعش فى تحديد مشعره و مش اى احساس غريب يقول عليه الحب لان من

اكتر الحاجات الى بتحتاج وقت للتاكد منها هى الحب ...............

سلام ياشباب
انا كنت عايز اقول حاجة ازاي يبقي مفيش حب؟؟؟؟؟؟ طيب امال ربنا خلق فينا العاطفة دي لية والمشاعر والاحاسيس عشان نلعب بيها هو في حب بجد بس هو الي بيحصل كالاتي لما يكون واد وبنت بيحبوا بعض في ناس بتدخل بينهم ودة بيودي الي الانفصال
وطبعا في ناس كتيرة كدة وغير كدة لما يجي شاب عايز يخطب بنت كان بيحبها شوف البيت عند البنت بيطلبوا اية طبعا شقة بشئ وشويات شبكة مش اقل من 20 الف جنية دة كلة دة بيخلي الشباب والبنات بيحبوا من ورا اهلهم

اولا: ميرسى يا ابن الدموع على الموضوع المهم دة .
ثانيا : معلش يا free angel انا بختلف معاك فى ان الولاد والبنات يحبوا من ورا اهلهم .... مافيش حاجة فى الدنيا تجبرهم على كدة ولا شبكة ولا شقة ولا اى حاجة .
ثالثا : انا من راى ان الحب موجود فى كل مكان وفى كل وقت .... المهم الى يتعامل معاه صح .... يعنى سواء ولد او بنت عندة اى مشاعر تجاه التانى يبقى يحتفظ بيها لنفسة احسن مدام الوقت المناسب للحب دة لسة ماجاش .....لكن احنا مش هنقدر ننفى وجود الحب فى حايتنا ولا نحددلة وقت معين ... لانة دة غريزة فى الانسان بتبقى معاه من يوم ولادتة ....

وربنا يحافظ علينا كلنا ويحمينا من خيالات الشيطان

اللللله عليكى يا بريتى اهو دة الكلام المظبوط

انا شاكر جداااااااا ليكي يابرتي بس انا هاقول حاجة لو انا بحب بنت وعيلتي وعيلتها عارفين دة غلط ولا صح

لو العلتين عارفين وموافقين وانتوا الاتنين جادين فى الحب دة .... يبقى احسن حاجة انكم تاخدوا خظوة رسمى وهى الاخطوبة يعنى علشان تقطعوا لسان اى حد ممكن يتكلم

حتي كمان لو العلتين مش عارفين بس الاتنين جادين في الحب دة كدة حب صادق

انا على فكرة عضو جديد وعجبنى الموضوع خالص ربنا يحافظ عاليكو